KRONVIRUSO: LA DETRUADO DE LA EKOSISTEMOJ FARE DE LA HOMARO FACILIGAS EKAPERON DE EPIDEMIOJ(1/3)

28/03/2020

De pli ol dek jaroj, la sciencistoj «ĉasistoj de virusoj», alarmas pri la ekapero de novaj malsanoj, ligitaj al la senarbarigo. Malario, Ebola malsano, Covid-19… la homa agreso kontraŭ la ekosistemoj fine endanĝerigas la homan vivon.

La ekapero de tiuj surprizaj novaj patogenaj agentoj, kiel la kronviruso respondeca pri la malsano Covid-19, estas nenio alia ol la rezulto de neniigo de la ekosistemoj, pri kio suferas aparte la tropikaj zonoj, kiuj estas detruitaj por cedi la lokon al intensaj industriaj monokulturoj. La ekapero de tiuj malsanoj ankaŭ rezultas de la manipulado kaj fikomerco de la arbaraj faŭno kaj flaŭro, ofte minacitaj je formorto.     

Jam de jaroj la sciencistoj studas la rilatojn inter eksplodo de virusaj malsanoj kaj senarbarigo.

Kiam sur monto, buldozoj surtretas ĉion sur sia pasado, kie svarmas vivo, la fenomeno ne estas videbla: ĝi aperas nur kiam la individuoj suferas strangajn simptomojn kaj malsanojn ĝis nun nekonataj.

Novaj fontoj de epidemioj 

La konstato estas farita en multaj landoj, de Sud-Orienta Azio ĝis Latin-Ameriko, kun specifoj, malfacilaĵoj kaj dinamikoj propraj al ĉiu. Tamen, ĉie temas finfine pri simila kaŭzo: la ekstraktiva koncepto de la vivanta mondo, kiu kondukas la homaron endanĝerigi sian propran ekzistadon. Kaj kontraŭ tio, seninfektilo por la manoj povas nenion.           

Carlos Zambrana-Torrelio estas bolivia esploristo kaj kun-prezidento de EcoHealth Alliance, organizaĵo specialigita en studado pri la rilatoj inter medio kaj ekaperantaj patologioj, kies sidejo estas en Nov-Jorko. Li vizitas la krizajn zonojn de la planedo kaj laboras pri iliaj rilatoj inter si, kaj kun la ekosistemo.

La zoonozoj, tiuj malsanoj transdoneblaj de besto al homo, ĉiam ekzistis, kaj ĉie en la mondo, tamen sen internacia ampleksiĝo – ili ĝenerale estas detenitaj, aŭ ne trovas la necesajn kondiĉojn por disvastiĝi.

Pasintan junion, nova epidemia fonto estis identigita en Bolivio, kaŭzita de la viruso Ĉapare (el la nomo de provinco de la regiono de Koĉabambo, kore la lando).  

Amputado de la tropikaj arbaroj akuzataj    

Tiu ĉi estis identigita por la unua fojo en 2003 en la regiono Koĉabambo, zono senarbarigita profite al rizkampoj, kie la rikolto ĝenerale okazas permane – la kamparanoj, kiuj vivtenas sin per tio, loĝas do proksime de la plantejoj.

Tamen, dek kvin jarojn poste, viro alvenis ĉe la urĝaj servoj de la regiono La-Pazo (pli ol 300 kilometrojn for). Li prezentis simptomojn, kiujn la kuracistoj ne tuj identigis. Neniu scias, kiel la viruso, kiu trafis lin, vojaĝis de la tropikaj rizkampoj ĝis la andaj montoj.              

Carlos Zambrana-Torrelio laboras en Afriko, aparte en Liberio kaj Sieraleono, kie la epidemio Ebola surprizis ĉiujn pro ties vigleco.     

Ankaŭ tie, la unua kaŭzo de malsano estis la fragmentigo de la tropika arbaro: la senarbarigo fakte instigis plurajn speciojn da vespertoj kolektiĝi, en stretaj grupoj, sur la maloftaj restantaj arboj. Tiu kuniĝo de malsamaj specioj, kiuj en kutima medio ne interagadas, kondutis kiel kreskomedio. (La vespertoj estas suspektataj, ke ili estas unu el la rezervejoj de la viruso Ebola) 

Marina Aizen

Daŭrigota…

En la franca:

https://www.courrierinternational.com/article/coronavirus-la-destruction-des-ecosystemes-par-lhumain-favorise-lemergence-depidemies

En la hispana:

http://revistaanfibia.com/cronica/las-nuevas-pandemias-del-planeta-devastado/

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair /  Alterar )

Foto do Google

Você está comentando utilizando sua conta Google. Sair /  Alterar )

Imagem do Twitter

Você está comentando utilizando sua conta Twitter. Sair /  Alterar )

Foto do Facebook

Você está comentando utilizando sua conta Facebook. Sair /  Alterar )

Conectando a %s

Este site utiliza o Akismet para reduzir spam. Saiba como seus dados em comentários são processados.