EPIDEMIO POVAS KAŜI ALIAN

« PEKINO havas aspekton de fantoma urbo », atestas homo kiu loĝas en la ĉina ĉefurbo. Laŭ ordono de la aŭtoritatuloj, ĉiu estas enfermita hejme. En la lando, por 760 000 homoj eliroj estas laŭdire malpermesataj, limigitaj aŭ kontrolataj [1]. Ĉiutage « ni ricevas sur nia poŝtelefono statistikojn kaj aliajn informojn pri la koronaviruso ». La 18-an de februaro 2020 oni nombris 70 643 malsanulojn en la lando, 10 853 resanigitojn kaj 1 772 mortintojn. La antaŭan tagon, krom la ĉiutagajn donitaĵojn, la informejo anoncis, ke « pli ol 16,3 milionoj da falsaj maskoj estis elprenitaj de la Vuhano-polico. » Videble la regantoj, esperante preventi ĉian malkontenton, volas doni impreson, ke ili agas travideble kaj konservas kontakton kun la loĝantaro.

Neniu scias ĉu tiuj statistikoj, laŭdifine moviĝantaj kaj malfacile kolekteblaj en tiom vasta lando, spegulas la realon. La nombro de ĉiutagaj novaj kazoj ŝajnas malpliiĝi, sed nenio pruvas ke tiu malkresko daŭros. Momente ni devas kontentiĝi pri la kelkaj informoj alportitaj de la Monda Organizaĵo pri Sano (MOS) : la viruso estas multe pli kontaĝa ol la severa akuta spir-sindromo (SRAS-CoV-2), sed ĝia mortiga procentaĵo estas klare malpli alta (ĉirkaŭ 2 %). En du monatoj ĝi mortigis ĉirkaŭ du mil homojn, sed en tiu lando de 1,4 miliardo da loĝantoj, mortas meze 80 000 homoj monate. La epidemio do verŝajne havos pli da ekonomiaj, sociaj kaj politikaj konsekvencoj ol da influo al la morto-kvanto de Ĉinujo entute.

Pro la izolado, la lando funkcias malrapidece. La prognozistoj antaŭvidas redukton de 1 ĝis 1,5 poento de la kresko, kiu malaltiĝos sub 5 % – neniam vidita de tridek jaroj ! La tutmonda ekonomio, kies meĥanismoj estas pli interdependaj ol en 2002-2003, verŝajne ankaŭ suferos. Ĉio dependos de la daŭro de la epidemio. Ne estas dubo, ke la ĉina registaro agos kaj funkciigos la monan financadon (monkreadon) por relanĉi la maŝinon, eĉ se ties financa manovrospaco estas pli limigita ol en la komenco de la 2000-aj jaroj. Krome, estos ja necese rekonstrui la stokojn, dum plej granda parto de la elektraj baterioj por aŭtoj en la mondo, aŭ pli multo de la medikamentoj, estas nun fabrikitaj sur la ĉina teritorio.

La malfrua reago de la aŭtoritatuloj de la urbo Vuhano – kiuj estis eksigitaj, malgraŭ ke la Hubei-provincestro estis proksimulo de s-ro Xi Jinping -, la morto de la doktoro Li Wenliang, kiu alertis jam fine de decembro, multe kortuŝis la ĉinojn, kaj parte subfosis ilian konfidon al la prezidanto Xi, ĝis tiam netuŝebla. La funkciado de la sistemo estas kulpigita. Signifoplena estas tiu titolo de Caixin [2], ekonomia gazeto konata en Pekino : « La epidemioi de Koronaviruso estas testo por la juroŝtato. » kaj oni precizigas : « La situacio al kiu ni estas alfrontataj ne estas ekskuzo por neglekti la principon de juroŝtato.. » La kontestado povus transpasi la kazoj de Chen Qiushi, la ĵurnalisto de Vuhano kiu atestadis ĉiutage, aŭ de la profesoro Xu Zhangrun, ambaŭ malliberuloj hejme. Sed, nun, la kolero ne ŝajnas superbordiĝi.

Male, eksterlande, la « pandemio de ksenofobio » [3] kontraŭ la azianoj ĝenerale kaj la ĉinoj aparte, ja ĉeestas. En Francujo, ĉi-lastaj eĉ lanĉis sur la sociajn retojn la kradvorton « #JeNeSuisPasUnVirus » (#MiNeEstasViruso).

Martine BULARD

FONTO: https://eo.mondediplo.com/article2820.html

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair /  Alterar )

Foto do Google

Você está comentando utilizando sua conta Google. Sair /  Alterar )

Imagem do Twitter

Você está comentando utilizando sua conta Twitter. Sair /  Alterar )

Foto do Facebook

Você está comentando utilizando sua conta Facebook. Sair /  Alterar )

Conectando a %s

Este site utiliza o Akismet para reduzir spam. Saiba como seus dados em comentários são processados.