VATIKANO: PEDOFILIO EN LA EKLEZIO: VIKTIMOJ MANIFESTACIAS SUR LA STRATOJ DUM LA PINTKUNVENO

26/02/2019

En Vatikano, dum la tria tago de historia konferenco pri la pedofilia konduto en la Eklezio, la viktimoj manifestaciis sur la stratoj de Romo por fari premon sur la religiaj aŭtoritatoj.

En Vatikano, sabaton 23an de februaro, dum centoj da episkopoj el la tuta mondo kolektiĝis por diskuti pri pedofilio en la Eklezio dum historia pintkunveno, la viktimoj kaj ties familioj manifestaciis sub iliaj fenestroj, en Romo. Kvankam la Eklezio agnoskis publike siajn erarojn, sur la stratoj la viktimoj volas, ke tiuj konferencoj nasku konkretaĵojn.

«Seks-agreso, estas multe pli grava ol fizika vundo»  

Sur la stratoj de la itala ĉefurbo, Alessandro Battaglia distingiĝas pro sia svetero «Postvivanto». Li estas la plej juna viktimo en la kolektiĝo sur la piazza del Popolo, la placo, kie kutime okazas grandaj manifestacioj en Romo. La junulo, 22-jara, primemoras ĉion. «Mi estis seksperfortita, kiam mi estis 15-jara, fare de la pastro. Mia familio savis min, sed plurfoje mi provis mortigi min. Seks-agreso estas multe pli grava ol fizika vundo».

La patrino de Alessandro eksplikas, ke ses jarojn post la faktoj, ŝia filo plu estas tre malfortika. «Scii, ke la vivo de mia filo estas detruita estas granda sufero, sed pli dolorigas nin, ke la Eklezio agadas kontraŭ ni. Ekzemple, dum la proceso en Milano, la pastro, kiu seksperfortis mian filon, estis defendita de la advokato de la diocezo».

La viktimoj postulas, ke la faktoj estu devige denuncitaj 

En Italio, la viktimoj postulas, ke la faktoj, kiuj okazis interne de la Eklezio, estu devige denuncitaj ĉe la civilaj aŭtoritatoj. Tio ne estas la kazo hodiaŭ. La vojo al nula tolereco estas longa. Tion, ni jam sentas. La dimanĉa parolado de la Papo kaj la konkretaj agoj, kiuj sekvos, ŝajnas nesufiĉaj al la asocioj de viktimoj, ĉar ekkonsciiĝo pri tiu plago estas varia laŭ la landoj. Nur unu viktimo el Afriko manifestaciis sabaton sur la stratoj de Romo. Tiu Kongolano devis denunci sian agresinton tre malproksime de sia lando, en Usono.

«En Afriko, estas tre danĝere denunci sian agresinton. Ili plu havas multe da potenco. Kelkaj jaroj plu estos necesaj, por ke ŝanĝiĝu la situacio»

Benjamin Kitobo

Sed la kongola viktimo trankviliĝas. «Nun, la agresontoj pripensos dufoje antaŭ ol agadi». La marŝado de la viktimoj ĉesis kelkajn metrojn malproksime de la Vatikano, kie la episkopoj debatis pri la konkretaj respondoj alporti al la viktimoj. Ĉi tie regis senkompata memkritiko. Sabaton matene, la germana kardinalo Marx agnoskis interalie, ke la institucio detruis dosierojn pri la kulpintoj de seks-agresoj. La Eklezio estis severa kontraŭ li.

FONTO: http://neniammilitointerni.over-blog.com/2019/02/vatikano-pedofilio-en-la-eklezio-viktimoj-manifestacias-sur-la-stratoj-dum-la-pintkunveno.html?fbclid=IwAR09CjX5mHylfZTWqULzWAVxu7qNzVfTWJCo82IurO89spJZv0UmC2-jGX4

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair /  Alterar )

Foto do Google

Você está comentando utilizando sua conta Google. Sair /  Alterar )

Imagem do Twitter

Você está comentando utilizando sua conta Twitter. Sair /  Alterar )

Foto do Facebook

Você está comentando utilizando sua conta Facebook. Sair /  Alterar )

Conectando a %s

Este site utiliza o Akismet para reduzir spam. Saiba como seus dados em comentários são processados.